បាត់ដំបង : ជនបង្ករករណីគ្រោះថ្នាក់ចរាចរណ៍បណ្ដាលឱ្យមនុស្សស្លាប់ ៦នាក់ សមត្ថកិច្ចនគរបាលចរាចរណ៍ខេត្តបាត់ដំបង បញ្ជូនទៅតុលាការព្រឹកនេះ ត្រូវនឹងថ្ងៃទី២ ខែមេសា ឆ្នាំ២០២៦ ដោយឡែកការចរចារសំណងចំពោះគ្រួសារជនរងគ្រោះមិនទាន់ត្រូវគ្នា ។
ជនរងគ្រោះទាមទារសំណងម្នាក់ ៣៥០០០ ដុល្លារ ម្ដាយជនបង្ករ សុំសងម្នាក់ ១ម៉ឺន ដុល្លារ ដោយម្ដាយជនបង្កបានលេីកឡេីងថា ករណីគ្រោះថ្នាក់ចរាចរណ៍ស្លាប់ខ្លះទទួលបានសំណងតែ ២០០០ដុល្លារ ទៅ ៣០០០ដុល្លារ ទេ គាត់សងម្នាក់ ១ម៉ឺនដុល្លារនេះច្រើនហើយ ម្យ៉ាងទៀត គាត់ត្រូវចំណាយលុយជួសជុលឡានកូនគាត់ទៀត ។ ជនរងគ្រោះមិនព្រមទទួលទេ នៅថ្ងៃនេះ សមត្ថកិច្ចនគរបាលចរាចរណ៍ខេត្តបានទំនាក់ទំនងមកជនរងគ្រោះដេីម្បីទៅចរចារសម្របសម្រួលគ្នាជាលេីកទី២ នៅរសៀលថ្ងៃនេះ តែជនរងគ្រោះមិនទៅដោយសារម្ដាយជនបង្កដាក់សំពាធមកលេីគ្រួសារជនរងគ្រោះខ្លាំងពេក ជាពិសេស មេីលងាយជីវិតជនរងគ្រោះមិនស្មេីរថយន្តកូនគាត់ ។
បើតាមការយល់ឃើញពីមហាជន ម្ដាយជនបង្ករអាចជាមនុស្សមិនសូវចេះរៀបពាក្យនិយាយទេីបធ្វេីអោយប៉ះពាល់អារម្មណ៍គ្រួសារជនរងគ្រោះ ដូច្នេះគួររកអ្នកណាដែលចេះអំពីរបៀបនិយាយ ឬ អាចជាមេធាវី អោយចូលមកសម្របសម្រួលជាមួយគ្រួសារជនរងគ្រោះអាចនឹងដោះស្រាយគ្នាត្រូវ ។ ប៉ុន្តែទោះបីការចរចារសំណងរដ្ឋប្បវេណីត្រូវគ្នាក៏ដោយ ជនបង្ករនៅតែត្រូវបញ្ជូនទៅតុលាការផ្ដន្ទាទោសទៅតាមច្បាប់ព្រហ្មទណ្ឌដដែល ៕
ដោយ : លោក ងន ចាន់ងីម និពន្ធនាយក Nara-BMC
