បន្ទាយមានជ័យ ៖ តាមរយៈហ្វេសប៊ុកផឹកផ្លូវការរបស់ស្នងការដ្ឋាននគរបាលខេត្តបានឲ្យដឹងថា អនុវត្តតាមបទបញ្ជាយ៉ាងមុឺងម៉ាត់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិនិងអនុវត្តតាមបទបញ្ជារបស់លោកឧត្ដមសេនីយ៍ត្រី សឿម សារិទ្ធ ស្នងការ នៃស្នងការដ្ឋាននគរបាលខេត្តបន្ទាយមានជ័យព្រមទាំងមានការសម្របសម្រួលនីតិវិធីរបស់ ឯកឧត្ដម កេីត វណ្ណារ៉េត ព្រះរាជអាជ្ញា នៃអយ្យការអមសាលាដំបូងខេត្តដោយមានការរាយការណ៍ពីប្រជាពលរដ្ឋអំពីមុខសញ្ញាគួរឲ្យសង្ស័យពាក់ព័ន្ធករណីជួញដូរ និងប្រើប្រាស់គ្រឿងញៀននៅចំនុចភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យនៅថ្ងៃទី៤ ខែមិថុនា ឆ្នាំ២០២៦វេលាម៉ោង ១៨ និង១៥នាទីបានធ្វើការឃាត់ខ្លួនសង្ស័យជាជនជាតិថៃចំនួន៥នាក់កិច្ចប្រតិបត្តិការនេះដឹកនាំ និងបញ្ជាផ្ទាល់ដោយលោកឧត្ដមសេនីយ៍ត្រី ធិន សុិនដេត ស្នងការរងផែនការងារនគរបាលប្រឆាំងគ្រឿងញៀន ដឹកនាំកម្លាំងការិយាល័យជំនាញ និងកម្លាំងប៉ុស្តិ៍នគរបាលរដ្ឋបាលសង្កាត់ប៉ោយប៉ែត នៃអធិការដ្ឋាននគរបាលក្រុងប៉ោយប៉ែតបានធ្វើការបង្ក្រាប០១ករណី បទល្មើសជាក់ស្តែង ពីបទ ជួញដូរ និងប្រេីប្រាស់នូវសារធាតុញៀនខុសច្បាប់ និងប្រេីប្រាស់នៅអាវុធខុសច្បាប់ឃាត់ខ្លួនជនសង្ស័យជាជនជាតិថៃ សរុបចំនួន០៥នាក់។
លោកឧត្ដមសេនីយ៍ត្រី ធិន សុិនដេត បានអោយដឹងថាជនសង្ស័យសង្ស័យដែលត្រូវឃាត់ខ្លួនមានឈ្មោះ៖
១/-ឈ្មោះ SILTHAAI KEDUNGភេទប្រុស អាយុ២៨ឆ្នាំ (ថៃ)។
២/-ឈ្មោះ YUTTHA POOM NAMWONG
ភេទប្រុស អាយុ២៩ឆ្នាំ (ថៃ)។
៣/-ឈ្មោះ YUTTAPONG NAMWONG ភេទប្រុស អាយុ២៩ឆ្នាំ(ថៃ)។
៤/-ឈ្មោះ PARNITEP ASSAPAN ភេទប្រុស អាយុ២៧ឆ្នាំ(ថៃ)។
៥/-ឈ្មោះ SARUWOOT SANGSIL ភេទប្រុស អាយុ២៨ឆ្នាំ(ថៃ)។
ក្នុងកិច្ចប្រតិបត្តិការនេះលោកឧត្ដមសេនីយ៍ត្រី ធិន សុិនដេតបានបញ្ជាក់ថាវត្ថុតាងដែលដកហូតបានរួមមាន÷
- កាំភ្លើងខ្លី០១ដើម និងគ្រាប់ចំនួន០៥គ្រាប់។
- ម្សៅម៉តសចំនួន០១ថង់ ស្មើទម្ងន់០,៥២ក្រាមសាច់ថ្នាំសុទ្ធ ។
- លិខិតឆ្លងដែន០៥ក្បាល។
- ទូរស័ព្ទចំនួន០៥គ្រឿង។
- សារាងចាក់ចំនួន០៤ ដើម។
- ជញ្ជីងថ្លឹងថ្នាំចំនួន០៣គ្រឿង។
- ឧបករណ៍អ៊ុតថង់ចំនួន០២គ្រឿង។
- ដបសម្រាប់ជក់ចំនួន០៤ ។
- ក្បាលវែបចំនួន០២ថង់។
- ទឹកថ្នាំបញ្ជូនក្នុងក្បាលវែបចំនួន០៥ដប។
- ក្បាលវែបមានទឹក វេចខ្ចប់រួចចំនួន៧០កញ្ចប់។
- ឧបករណ៍សម្រាប់ជក់មួយចំនួន។
បច្ចុប្បន្នជនសង្ស័យ និងវត្ថុតាងត្រូវបានកសាងសំណុំរឿងបញ្ជូនទៅតុលាការ៕
